今日成日都係屋企...一時唱下歌..一時跳下舞...一個人係屋企就係做呢d野架啦...難得無人..難得自由...梗係要做一d想做但又唔可以係咁多人面前做既野啦..哈哈...唔係就會浪費左架啦..

嗯..我都好想好似呀朱咁去學跳舞呀!!原來我係一個有興趣既人黎架!!我既興趣就係跳舞...哈哈!!一個人跳舞唔需要一個固定既step...隨住自己既心情去擺動自己既身體都可以好好feel!!哈哈~

今日仲dl左Krusty新碟..我一直都覺得呀Jan幾靚...我都幾中意呢類鬼鬼地既女仔..."吉絲締的衣櫃"好鬼馬既一首歌...由歌詞到佢地既唱法再到編曲都相當funny~中間個musicbreak亦相當正...佢地個mtv亦相當有趣...扮cute有,懶型亦有...仲跳埋舞喎~隻舞仲相當型野...簡直係正!!咦..原來我都真係好欣賞呢首歌喎...

oh拿oh拿ohoh拿拿oh拿oh拿oh拿拿拿...

陳汸語今日SEND左一個星座既野俾我..其實我一向都唔係好信星座...呢個世界千千萬萬個人..千千萬萬種性格..但星座只分得十二個..唔通得十二種性格啦喎~實唔準...陳汸語話星座其實好多野架,其實睇星座唔係要俾你知道你要點做...而係俾你了解自己多d....

咁一齊黎了解下我...了解下你自己...

http://www.destinygarden.com/big5/48signs.htm

呢一個星座...係十二個星座入面再細分為48個不同星區...我係十月五日天秤座入面既"天秤座II"....

雖然天秤座II和藹可親，但也要他尖酸刻薄的時候。

成編野我最深印象就係呢一句...哈哈..我都覺得有時自己都幾尖酸刻薄...其他既我都覺得好準..準到都唔知講咩好..所以唔quote出黎啦...

不過有一樣野點都要一提..

天秤座II (October 3-10)既好情侶係包括獅子座III (AUG 11-18) ....

係coolman好多人都講基仔既新碟..等我都講下先~今日得閒就聽左一次成隻碟...好多歌都忍唔住聽左一半就飛左....其實我都唔明d人點解會中意天才與白痴呢首歌...呢首歌真係好悶...悶得可憐...hit都係電台俾面呢首係基仔年度大作...

成隻碟我中意三首歌...夢中人+甜蜜蜜+Monica!!

夢中人..可能因為我中意faye啦...難得見佢做到首同原歌咁類似但又有個人風格既野出黎...好多人都話呢首歌怪..但其實愈聽愈正架!哈~

甜蜜蜜..我揀呢首歌..好明顯我係中意搶耳..易上口既歌...同twins既森巴皇后一樣帶西班牙味..好中意後面有人係度嗌...不過略嫌基仔唱得唔夠feel...

Monica..呢首歌之前都覺得幾好聽~事隔咁耐再聽番...嗯..發覺基仔都係唱呢類歌最好聽最岩feel....拜托做多幾首呢d啦..我唔想再聽到天才與白痴啦!!

由《遊戲‧基》,《大雄》到今次既《星戰》,都有一個概念..但只係係個歌名度囉...希望下次佢係以曲風黎做概念...

有人話點首"最後勝利"俾我...祝我係最後勝利~well..其實我都唔想計算什麼贏和輸...亦冇諗過要當呢個係一場比賽....根本愛一個人..係一段關係入面...唔應該用贏和輸黎做定論...應該係用愛同唔愛黎分...

講番最後勝利呢首歌..原來我好多女性朋友都好中意...佢地都覺得呢首歌好中point好到肉...兩女爭一男...竟究係真係好愛佢..定係為啖氣??如果中意一個..每每都要拿住兵器..去抵抗外敵既話...咁有咩意思??有時間隻手都渣佢一下啦~仲拿武器做咩者??不過講到尾都係因為男性動物永遠都極之易受到引誘者...哈哈!!!

well....我尋日用小龍女首歌黎比喻...只係咁岩覺得好切合果個環境...冇其他任何既意思..我冇話要諷剌任何人...亦冇諗過要傷害任何人..一句到尾...果編野只係隨口up...呢一編都係...

M記既十套八隻既邪流丸仔我終於都全部擁有啦!!超勁開心...真係唔該哂媽子既朋友啦~八隻各有特式,八隻都咁得意咁好玩...我身邊都有好多中意...就算連本身唔中意邪流丸既人都想要一套...

我尋晚發夢都掛住換野...我係OK見到有好多邪流丸公仔...喪買...仲幫媽子換左幾隻MIFFY...我諗我換野換上腦啦!!哈哈...

今次M記好成功呀!!我愛M記!!

陳汸語send左個test黎我覺得勁準喎~都幾好玩...

http://home.kimo.com.tw/ewormeworm/city/fate/02/dog.htm

我係土佐犬
陳汸語係馬爾濟斯
李詠東係鳥獵犬

我覺得講得我勁準喎...99%準...

"你是活潑又充滿活力的，大膽又直接的個性"呢句已經100%完全中左..."想知道的事一定會徹底調查"..所以我之前好中意問人點解...煩到俾人blacklist左我..."最大的缺點便是不會做人，脾氣暴躁"...我都認我唔識做人..我諗到就講..可能hurt到人都唔知...橫衝直撞...得罪人都唔知...所以好多時都"事後才又後悔不已"....

追加>>入面仲提到"如遭人批評，反而會愈挫愈勇，鬥志愈來愈強"...yeah!!中左...今年發生左d事令我人生跌到落谷底...差d就自尋短見...最後我靠一首"越唱越強"令自己係挫折中起番身...我係冇膽我係唔夠奸,但我有傻勁,憑我一點點既英勇,將難關衝破!!!yeah!!而家既我比跌落谷底前既我更加強!!yeah!!我係越戰越強型!!哈!!

入面提到我最不合的是博美狗...my god...雷健維是博美狗....

嘩..我頭兩個ex同埋我而家有意思既果個人都係同一種犬...