愈黎愈覺得我間鋪既同事jerry係一個好同事..之前因為對佢既少少偏見而唔係太中意佢..但呢幾日拍得佢多...發覺佢改左好多...少左黑面,唔會hea下hea下,有speed,以客為先,話頭醒尾...可造之才!!

睇見呀jerry做得咁好..我都好樂意教佢好多野...我都好希望佢係我身上面拿多d野...就算我唔係一個好好既i/c..起碼我都係一個好同事...學唔到多..都學到少丫...睇住一個人不斷進步...我真係好開心...邊d有心做..邊d hea時間我睇得出既...我要操fit d呢條友先得!!

今日放假,約左媽媽文行街..因為我張床度無鐘..佢一打黎就同我講話四點啦..叫我快D起身..我同佢講咁我即刻起身...五點係MK等...但當我整好哂野諗住出門口之時..望一望個鐘..原來係兩點半囉...SHIT!!俾佢呃左..

大約三點幾我就出到MK...知道呀維番夜...就去左hk56搵佢..原來呀詩已經去左56啦..有呀詩睇住既hk56彷彿重見光明...呀詩呀維candy好多朋友都係hk56..其實我都好想調去hk56...

媽媽文到左之後我地就去左炳記牛牛度食野...之後呀詩同呀維食飯時都過黎搵我地..陪食兩小時後..我地就去行街街...好開心我係潮特買左件褸..好中意好靚..卡其啡白...完全係我想要既colour!!!好white light..yeah!!買左呢件xmas戰衣..唔駛買衫啦!!

之後呀文去左賭馬..因為夜晚約左marvin,anna唱k..所以我就要係mk等..我無聊坐係街同b仔傾左半個中電話..傾傾下發覺唔對路..傾左半個中都仲要等兩個半中..於是我決定放氣..打俾marvin取消..然後約b仔係樂富食飯..點知b仔話要一個中後先出到黎..係我最灰心既時侯..公主突然出現我面前..佢話約左田智努食飯..於是我就join埋啦...

嗯..其實都唔知點咁..因為除左同努熟之外..基本上同公主&佢既朋友都唔係太熟...呢個飯局都有少少怪..嗯..不過都好開心咁過左個半hours...公主果d無聊iq題都真係好無聊...之後食完飯hea左一會就走人lu..曹峰打俾我話佢個frd係mk見到我...所以想叫埋我一齊去唱k..哈哈..唔好玩啦..我岩岩先推左marvin...不過講開佢..我早兩日夢見佢買左d化妝品俾我...哈哈...(因為佢做莎莎..)

之後無聊hea又唔想回家打俾鄧輝傾傾下決定左相約出黎飲野...係黃大仙等..yeah!!其實出黎又係傾佢既感情問題..又係果d分左手一段時間但係仲係放唔低...嗯..其實都覺得悶悶地..我尋日先話完饒雙宜同曾彼得...今日又到鄧日輝..唉..為何永遠放不低??

無聊去睇一睇饒雙宜個blog...再睇一睇曾彼得既日記..睇到我都覺得悶..我都覺得煩....我真係唔明..好唔明..好唔理解..都幾個月啦...點解佢地可以被感情煩惱困擾咁耐?真係無野比感情煩惱更值得思考更值得做更值得寫既事咩?點解要不斷增加煩惱不斷糾纏自己不斷拿苦黎辛?

原來過得很快樂..只我一人未發覺...

因為佢地我諗起呢首歌...其實每個人都可以過得好快樂...只係視乎你用咩態度去過...每件事都總有兩面什至乎三四五面..只係視乎你用咩角度去睇...既然天才與白痴只差一線..快樂不快樂亦何嘗唔係只差一線..

>>電話成日都有d miss call係無來電顯示...呢d電話永遠係我唔得閒先打黎...究竟係咩黎架??

>>晴晴日日有野搞..尋日整到我地個倉水浸...今日又偷糖食..真百厭..

>>媽媽文話想今晚食宵夜..但我真係唔想出呢..sorry..聽日我地都放假出黎..咪仲好...

>>今日係公司無聊check資料得知...hk76係樂富..十二月中開到hk75啦...咁76會幾時開呢??嘩!!如果調我過去你話幾好呢??

>>headphone大人..你唔好玩我啦...成日唔出聲...究竟你想點??

>>海洋之旅講唔夠兩日就宣佈取消lu...唔緊要啦..唔去海洋公園..去第二度都一樣咁開心既者..只要有得玩...

>>呢幾日好多地鐵奇遇..尋日遇到個傻仔..今日遇到個婆婆係度研究我條水晶..之後係咁同我講d水晶野...嗯嗯...

>>雷鍵維..我唔係傻架!!你有咩證明我係傻??哈哈~~我正常過唔正常!!哈~~

>>昇師傅..睇黎我地既方向都不太一致..可能我真係要自己去參加整餅班啦...

>>sam姐...去飲野唔係問題..但你唔好帶我去d唔知咩地方飲酒啦..我唔飲得酒架...

>>我地今期又拿topshop啦...上兩次神秘人讚我..今次就讚呀yo..well..證明我地係有實力既..睇下你地邊個敢睇小我地!!呵呵!!

最近日本樂壇最hot既話題一定係三大天后同期出碟...然後仲要一齊上音樂節目music station做宣傳...嘩..真係夠哂話題..好睇程度直迫我地hk既女主角爭獎事件...

原本三首歌我最中意既係安室既white light...呢首歌仲俾我指定係我既xmas song!!哈哈..不過當我聽過ayu同boa新歌之後..覺得呢首歌已徹底地輸左...white light係一首抒情既xmas歌..冇咩特別起伏..勝在夠sweet夠浪漫...ayu既bold & delicious就係一首幾黑人feel既歌..好搶耳..完全唔似一向既ayu..亦唔似一般既日文歌...好有新鮮感...好開心ayu有隻咁既歌...而boa既"抱xxxx"就係一首好型好boa既歌..有少少姣姣地既感覺..隻舞超級型!!

三首歌我呢期都成日聽..三首歌都唔同風格..以質素我就會揀ayu既bold & delicious...以耐聽我會揀white light...以易上口我就揀boa..銷量方面..安室同boa都相繼出左碟啦..安室一上只得第七位..boa都入唔到五強..唔知ayu成績會點呢?

>>哎呀..競文媽媽...你每日打一次黎問我地進展..我重覆一次..我地好好..唔會有問題...不如傾下我地下週四既海洋之旅好過啦...

>>拿..雷鍵維...真係唔駛擔心我喎~時間會證明一切..我唔會再好似上次咁..今次對手唔同左...我放心你放心,一齊放心!!time will tell...

>>杜..多謝你既禮物...不過做咩無啦啦買xmas禮物俾我呢??有d奇怪...btw..多謝!!我亦都約定左puiyi呀yu佢地,陳方語殷淑儀佢地,自己鋪頭佢地三邊玩交換xmas禮物..唔知成唔成功呢??

>>陳方語...我同b仔係冇野...唔該你唔好講得咁核突..什麼什麼閨房事...哈..笑死我...

>>晴晴："marco哥哥..我走啦..下次再陪你玩.."...－＿－””

>>個headphone又開始壞壞地..一個平價headphone同一個貴價headphone最長壽命都只係半年...究竟點解??

>>已經決定左要買手電!!超期待...超期待...超期待...超期待...

>>尹芝...唔該你唔好再係貨場發癲..搞到我都陪你癲埋一份..我要做一個正常既我...你行開呀葉玉芝..我要殺死你...接招...bibibibi

>>昇師傅..整左幾次都似乎唔係我想整既餅黎既??究竟我想要既野你幾時教我??時日無多啦..

>>mandy!!咩我似bb咩??其實我都廿二架啦..你叫我marco bb我有少少唔慣...anyway..多謝你既讚美...

>>唉..最憎d人應成左人有yanzi演唱會飛..而家又話冇..

>>死啦..原來我愈黎愈中意串fans..尤其是d唔識野既c奶..唔通我都係欺善怕惡果咋??

>>sorry呀yo..尋日做淨咁多手尾..手尾多到搞到我自己夜晚都訓唔著...勁唔好意思..難得你又唔嬲喎~你真係大方..你是最好的!!