呢幾日做過好多野...每一日都有活動..

同呀文呀詩呀維都食左幾日飯...然後仲有陳勝坤...又有呀杜馬高..仲有呀維既生日...仲有林澤麟呢...嗯...呢幾日都過得好充實...尋日仲有自己鋪既活動..都算過左一個ok既xmas..多謝哂...

好多謝大家都好努力咁去安慰我..好多謝大家..嗯...我已經好番好多啦..朋友真係我既最大動力..為左報答佢地..黎緊呢一年我要對我每一個朋友都好好好..

我要多謝特登出黎陪我既朋友..我要多謝聽我係傾訴既朋友..我要多謝原諒我之前做錯既朋友..我要多謝就算我有多唔聽話都一再教我既朋友..我要多謝逗我開心既朋友...多謝!!!

不得不提係我媽咪..連呀媽都send sms安慰我..呢個世界無話無左邊個唔得..除左我呀媽..哈哈!!!thank you so much!

別扮好心 勉強說分手都是好友
我至今 只得你這敵人 如何渡過 下半生

沒有空掛念你 若我口齒極伶俐
大概早 已經單打單到你受不起
難道你捱不起 你最好好在你
仍然期望 愛人變知己

沒有心機痛恨你 做你知己沒名利
大個仔 縱使失戀工作至上才爭氣
願諒我小氣 前度現在排第尾 未能拿出空檔來受氣

即使跟蹤你　來臨案發現場
牢牢看守著你　提防你搭上這一個他
下個他　都會趁我看不到誘惑你
明白如你要這樣易變心　哪到我害怕

就算他　跟你有段情
我也為你高興　用第三者身份見證
最不可靠是愛情　我們無人能得勝　再溫馨
仍不夠耐性　捱得到第四者　煞風景

今日放假..同呀媽食飯..行街街...行樂富..行吉之島..

距離xmas仲有五日,今日又買左d整餅野番黎啦..買左好多野...今次唔靠人..靠自己..要整曲奇,要整餅...哈哈..諗起都令人期待..XMAS係我既節日..我要一世都好好咁記住...哈哈...

download左倖田來未既十二連發既頭兩發..you同埋birthday eve番黎..兩首都一聽愛上..前者係冬天情歌...後者就係果d開心無腦發姣歌..哈哈..等緊第三發既ddd..仲有今日聽左第五發既lies..(唔見第四發既??)lies係講愛上一個不應該愛既人既r&b慢歌..配合埋個有故事既mtv..掂硬果咋..死啦..我真係愛上左來未姐啦..

今日我番全日..俾B仔嚴重地激親..超激氣..首先.,.佢今日遲到...原本應該九點九番到黎..佢十點幾先番到..我已經為之氣結..之前JERRY又係遲好多我地ZYX到佢癲..仲連續幾日唔睬佢..哈哈..對住B仔我已經容忍..只係講左句"你捨得換衫未呀,B哥?"...

之後佢件制服又唔剪個價錢牌,講左佢幾次佢先肯去剪...叫佢掃乾淨佢整到一地垃圾既地下又要叫幾次先肯去掃..我真係唔理解囉..我叫得你做就緊係急要你做先叫你啦..你拖下拖下hea下hea下咁去做..你想我點者??又成日都碌木咁企係度..喂.你當你柱男呀??

最嬲係當下一手接佢個CASHIER時佢先同我講今朝清機SHORT錢..喂你唔好聽日先講..隔左咁耐..你講咩都得架啦..你袋埋一百蚊然後同我講SHORT左都得架..什麼我好忙什麼我唔係你附近..唔好借口啦唔該..唉...

唔聽教又唔聽話..叫佢做東佢就做西..既要面子...又愛作反..話兩句仲要黑面..一個咁既同事我真係覺得好難應付...問題在於佢都唔係生手..都算係一個好熟手既同事..問題又在於我同佢本身都幾FRD..唉..好煩..B大人..你聽下我話啦..