早幾日同呀lun,marvin,anna收工一齊去左apm食宵夜..果日都幾開心..買左想買好耐既鞋...又有條友表演魔術我地睇...最後仲做左好耐無做既事..就係影相...好中意今次d相....好開心好開心咁...仲有d crazy既舉動...好正!!

"因為愛,所以期待..."超靚超靚..超中意...我細細個已經開始中意周慧敏..人靚聲甜果咋...我認識佢既第一首歌係"愛你多過愛他"..我仲記得果時我只係小學三年班...後尾就喪中意佢啦...除左王菲..果時最迷就係佢...勁儲佢既閃咭啦..勁買佢d cd...

睇呢個演唱會...真係有好多回憶..我最中意既三歌係..最愛(我記得隻cd個封面超靚!!!),為你(我都好想係自己中意既人面前唱呢首歌...)同埋如果你知我苦衷(呢首超感動..唔知點解..每次聽都感動!!!)...當晚現場聽到呢三首歌真係今我諗番起好多小時侯既野..感動到眼濕濕..仲有不得不提佢既合唱經典...流言...真係超中意..果時小學係屋企唱k...成日同呀媽一齊唱..我仲要做周慧敏tim...多謝周慧敏陪我成長...

為你我情願改變..為你我願意犧牲...為你任何事我也都應允...

我之前一見到就中意既涼鞋..只係$490咋..仲有呀yan張九折咭..超抵!!!原來呢對野係搶手貨黎架...得黑白..仲要得細size...其實我係中意白色多d架..但我買既時侯..全港既birkenstore都係得番黑色36,37...咁中意都要買架啦..其實黑色都型丫..其實呢個款我相信買既都係得女仔多囉..因為今次佢地番貨得細size..仲要係極少量..一星期都差唔多無哂...唔係個個都可以受惠...

不過我上網search到有個日本網站有啡色..一個連官方網都無既色..而且仲有大size..仲search到有d可以上網訂既站...如果有人一齊訂鞋...訂多對白色都好喎...哈哈...不過既然仲有貨..點解唔入多d番黎賣呢??

我msn都話明"願我可以學會放低你"...

點解你要再三咁hi我??

點解??點解???

點解delete左你你都要hi我??

點解我唔封鎖你??

點解最終我都係覆番你??

點解???????

早幾日係yahoo度見到梁祖堯個blog放左係首頁..無聊就按左入去睇啦..其實自從睇完梁祝我對呢個人都好有印象...覺得呢個人好funny..睇佢個blog..好羨慕佢既生活好似好多姿多彩...每日都會發生好多唔同既野咁..可能你會話..人地做舞台劇..係明星..點同呢??咁點解佢可以係明星每日都多姿多彩...我就每日無無聊聊係彩明呢一個爛到唔爛既商場番工先得架??

我都想多姿多彩呀!!

最近既人生開始覺得好乏味啦...成日都做埋一d一模一樣既野..完全無新意..完全無味道..我需要break through...好想突破一下自己..做一d平時唔會做既野..做一d未做過既野...由呢一刻起我要改變...我先要食一d之前唔想食既野...去一d之前唔願意去既地方...寫一d之前唔諗住寫既野...影一d之前唔敢影既相..聽一d之前唔中意聽既歌..睇一d之前唔敢睇既戲...交一d之前唔想交既朋友...覆一d之前唔會覆既人...為我黎緊一連串既突破黎一個小開始...