首先我想話..其實我都認我真係一個都幾煩既人黎既...有時少少野都會好燥底..好似今日見到個仆街男人勁無禮貌串七七咁都搞到我好興...見到個師奶買對socks都講哂價問長問短都想打人...
但係我點解會興呢??唔係無原因架喎...我唔會無啦啦興...無啦啦想打人..實會係有d唔應該出現or唔應該發生or唔應該聽既野出現左先會令我產生呢d咁既情緒...我認我係要改善我既eq...但唔等於果d串七七既男人同埋煩到爆既師奶可以繼續為非作歹為所欲為...
想要人地改..想要人地好...同時都請作出配合...我相信空穴來風未必無因既...每一個人都影響緊另一個人...可能你既一句說話or一個動作都可以牽動到好多野...
我講野唔係好叻...唔識得用把口黎串人..所以我從來都唔中意串人..但我唔串人唔反抗....唔代表你可以任意妄為地串我...我..其實都有我既諗法...如果你強加你既諗法落我度..仲要迫我去跟從而又唔想我作出反抗既話我真係覺得好困難...
我唔出聲唔代表無問題...到要我出聲既時侯就真係好有問題..我認我可能有時真係過左火位..但係如果可以控制既話我已經盡量去控制...我亦保證我會更努力再去控制我自己...絕對唔會再出現任何令大家不安既反應...so...我控制到既同時都請大家去控制...說話技巧好既人根本就唔會串人之後令人不安...我唔要求任何人去改..只希望大家都可以亙相尊重就可以了..謝謝....
以上既文字只係無聊文字...講完就算...唔駛認真...
